മമ്മൂട്ടിയും മോഹന്ലാലും അഭിനന്ദിച്ചിട്ടില്ല എന്ന് പരാതി പറഞ്ഞ പൃഥ്വിരാജിനെതിരേ ആഞ്ഞടിച്ച ആസിഫ് അലിക്ക് പൃഥ്വിയുടെ മറുപടി. ഒരുദിവസം രാവിലെ എഴുന്നേറ്റ് ഇത്തരത്തില് താന് പ്രസ്താവന നടത്തുകയായിരുന്നില്ല എന്നാണ് പൃഥ്വി ചൂണ്ടിക്കാട്ടിയത്. ഇതു സംബന്ധിച്ച് പൃഥ്വിയുടെ വാക്കുകള്:
മമ്മൂട്ടിയും മോഹന്ലാലും വിളിച്ച് അഭിനന്ദിയ്ക്കുന്നില്ലെന്ന് ഒരു ദിവസം രാവിലെ എഴുന്നേറ്റ് വാര്ത്താക്കുറിപ്പിറക്കുകയായിരുന്നില്ല. മൊഴിയെന്ന തമിഴ് ചിത്രം കണ്ടതിന് ശേഷം രജനി സര് എന്നെ വിളിച്ച് അഭിനന്ദിച്ചിരുന്നു. അക്കാലത്ത് നടന്ന ഒരു അഭിമുഖത്തില് ഇതേക്കുറിച്ച് ചോദ്യമുണ്ടായി. രജനി സര് അരമണിക്കൂറോളം സംസാരിച്ചുവെന്നും അഭിനന്ദിച്ചുവെന്നും മറുപടി നല്കി. തുടര്ന്നുണ്ടായ ചോദ്യം മമ്മൂട്ടിയും ലാലും ഇത്തരത്തില് വിളിച്ച് അഭിനന്ദിയ്ക്കാറുണ്ടോയെന്നായിരുന്നു. എന്റെ അഭിനയം കണ്ട് അവര് ഫോണില് വിളിച്ച് അഭിനന്ദിച്ചിട്ടില്ലെന്ന് ഞാന് തുറന്നുപറഞ്ഞു. ഈ വാചകമാണ് വിവാദത്തിലെത്തിയത്.
അതേസമയം നേരില് കാണുമ്പോള് മമ്മൂട്ടി തന്റെ സിനിമകളെക്കുറിച്ചും അഭിനയത്തേക്കുറിച്ചുമെല്ലാം സംസാരിക്കാറുണ്ടെന്നും പൃഥ്വി പറയുന്നു. മമ്മൂക്ക നേരില് കാണുമ്പോള് പലപ്പോഴും എന്റെ സിനിമകളെക്കുറിച്ചും അഭിനയത്തെക്കുറിച്ചും പറയാറുണ്ട്. അടുത്തകാലത്ത് അദ്ദേഹത്തിന്റെ വീട്ടില് പോയ സമയത്ത് മാണിക്യക്കല്ല് എന്ന സിനിമയിലെ എന്റെ അഭിനയശൈലിയെ അദ്ദേഹം അഭിനന്ദിച്ച് സംസാരിച്ചിരുന്നു. എന്നാല് മമ്മൂട്ടിയും ലാലും ഫോണില് വിളിക്കാറുണ്ടോയെന്ന ചോദ്യത്തിന് താന് പറഞ്ഞ മറുപടി അടര്ത്തിയെടുത്ത വിവാദമാക്കുകയായിരുന്നു എന്നാണ് പരിഭവം.
ആസിഫ് അലിയെ താന് ഇതുവരെ വിളിച്ച് അഭിനന്ദിച്ചിട്ടില്ലെന്നും പൃഥ്വിരാജ് വെളിപ്പെടുത്തി. ആസിഫ് അലി പറഞ്ഞത് ശരിയാണ്, ഞാന് അദ്ദേഹത്തെ ഇതുവരെ വിളിച്ച് അഭിനന്ദിച്ചിട്ടില്ല. കാരണം. ഞാന് അസിഫ് അലി അഭിനയിച്ച ഒരു സിനിമ മാത്രമേ കണ്ടിട്ടുള്ളൂ. ട്രാഫിക്ക്. അതു കണ്ടതിന് ശേഷം സിനിമയുടെ തിരക്കഥാക്കൃത്തിനെയും സംവിധായകനെയും അഭിനന്ദിക്കാനാണ് എനിയ്ക്ക് തോന്നിയത്. അങ്ങനെ തന്നെ ഞാന് ചെയ്തു.- പൃഥ്വി പറഞ്ഞു.
മംഗളം
0 അഭിപ്രായ(ങ്ങള്):
ഒരു അഭിപ്രായം പോസ്റ്റ് ചെയ്യൂ