മലയാളത്തില്‍ വീണ്ടും ഷക്കീല തരംഗം. ഇക്കുറി രതിചിത്രങ്ങളിലൂടെയല്ല, ഷക്കീല മലയാളി സിനിമാ പ്രേക്ഷകരെ കീഴടക്കുന്നതെന്നു മാത്രം. മലയാളത്തിലേക്കുള്ള രണ്ടാം വരവില്‍ ക്യാരക്‌ടര്‍ റോളുകളാണ്‌ ഷക്കീലയെ കാത്തിരിക്കുന്നത്‌. തേജാ ഭായി ആന്‍ഡ്‌ ഫാമിലി എന്ന ചിത്രത്തില്‍ മികച്ച കഥാപാത്രമാണ്‌ ഷക്കീലയ്‌ക്കുള്ളത്‌. ഇതിനു പിന്നാലെ മികച്ച ഒരുപിടി കഥാപാത്രങ്ങളുമായി ഷക്കീല ഒരിക്കല്‍ കൂടി കേരള മണ്ണില്‍ കാലുകുത്തുകയാണ്‌.
ഷക്കീലയുടെ രണ്ടു ചിത്രങ്ങള്‍ക്കൂടി പിന്നലെയെത്തുകയാണ്‌. അക്കൂട്ടത്തില്‍ വര്‍ഷങ്ങളായി പെട്ടിയിലിരുന്ന ചിത്രവുമുണ്ട്‌. നവാഗത സംവിധായകനായ അലക്‌സ് തങ്കച്ചന്‍ സംവിധാനം ചെയ്ത ഈ അഭയതീരം എന്ന ചിത്രവും കോമഡി റോള്‍ ചെയ്യുന്ന ഒന്നരക്കള്ളന്‍ എന്ന ചിത്രവും ഉടന്‍ റിലീസാകും എന്നാണ്‌ സൂചന. അഭയതീരം എന്ന ചിത്രത്തില്‍ സിസ്‌റര്‍ മേരി മാഗ്‌ദലന്റ്‌ എന്ന കേന്ദ്ര കഥാപാത്രത്തെയാണ്‌ ഷക്കീല അവതരിപ്പിക്കുന്നത്‌. എയ്‌ഡ്സ്‌ ബാധിതര്‍ എന്ന്‌ സംശയിക്കപ്പെടുന്ന കുട്ടികളെ ഏറ്റെടുത്ത്‌ വളര്‍ത്തുന്ന അനാഥാലയത്തിന്റെ ചുമതലക്കാരിയുടെ റോളാണ്‌ ഈ ചിത്രത്തില്‍ ഷക്കീലയുടേത്‌.
ഏതാണ്ട്‌ അഞ്ചു വര്‍ഷം മുമ്പ്‌ ഷൂട്ടിംഗ്‌ തുടങ്ങിയ ചിത്രം വെളിച്ചം കാണാതെയിരിക്കുവായിരുന്നു. സെക്‌സ് ബോംബായിരുന്ന ഷക്കീലയുടെ ഇമേജ്‌ പുതിയ കഥാപാത്രത്തിന്‌ തിരിച്ചടിയാകുമോയെന്നു അണിയറപ്രവര്‍ത്തകര്‍ക്കും സഹതാരങ്ങള്‍ക്കും ആശങ്കയുണ്ടായിരുന്നു. അതാണ്‌ ചിത്രം പുറംലോകം കാണാതെയിരുന്നത്‌. ജഗദീഷാണ്‌ ചിത്രത്തില്‍ ഷക്കീലയുടെ നായകന്‍. ഉര്‍വശിക്കായി നീക്കിവച്ചിരുന്ന റോളാണ്‌ പിന്നീട്‌ ഷക്കീലയ്‌ക്ക് ലഭിച്ചത്‌.
ഷക്കീല ചിത്രത്തിലെ നായകന്‍ ആയി അറിയപ്പെടുന്നതില്‍ അന്ന്‌ ജഗദീഷിനും വിഷമം ഉണ്ടായിരുന്നതായി കേട്ടിരുന്നു. എന്നാല്‍ ഇപ്പോള്‍ ഷക്കീലയുടെ ഇമേജിന്‌ മാറ്റം വരുകയും തേജാഭായിലൂടെ ഇടവേള ബ്രേക്ക്‌ ചെയ്യുകയും ചെയ്‌തതോടെ ഈ അഭയതീരം പുതിയ ചിത്രമെന്ന നിലയില്‍ റിലീസ്‌ ചെയ്യുകയാണ്‌.തെങ്ങുഴപണയില്‍ ഫിലിംസിന്റെ ബാനറില്‍ സ്‌നേബ കെ ബോസ്‌ നിര്‍മിക്കുന്ന ഈ അഭയതീരം എന്ന ചിത്രത്തില്‍ ജോസ്‌ പ്രകാശും അഭിനയിച്ചിട്ടുണ്ട്‌.
0 അഭിപ്രായ(ങ്ങള്‍):
ഒരു അഭിപ്രായം പോസ്റ്റ് ചെയ്യൂ