പ്രഭുദേവ ഗുരുവായൂരില്; വിവാഹം ഉടന്?
നടി നയന്താരയുമൊത്ത് ഗുരുവായൂരിലെത്തിയ നടനും സംവിധായകനുമായ പ്രഭുദേവ ഗുരുവായൂര് ക്ഷേത്രത്തില് ദര്ശനം നടത്തി. ഇരുവരുടെയും വിവാഹം ഉടന് ഉണ്ടാകുമെന്ന് അഭ്യൂഹം പ്രചരിക്കുന്നതിനിടെയാണ് ഇവര് ഗുരുവായൂരിലെത്തിയത്. എന്നാല് ക്രിസ്തുമത വിശ്വാസിയായ നയന്താര ക്ഷേത്രത്തിനുള്ളില് കടന്നില്ല. നയന്താരയെ കാറിലിരുത്തി പ്രഭുദേവ മാത്രമാണ് ക്ഷേത്രത്തിനുള്ളില് കടന്നത്. ക്ഷേത്രത്തില് തൊഴുത പ്രഭുദേവ കാഴ്ചക്കുല സമര്പ്പിക്കുകയും ചെയ്താണ് മടങ്ങിയത്. ഉടന് തന്നെ ഇവരുടെ വിവാഹം ഉണ്ടാകുമെന്നാണ് നടനുമായി അടുത്ത വൃത്തങ്ങളില്നിന്ന് ലഭിക്കുന്ന സൂചന.
ഈ മാസം നാലാം തീയതിയാണ് ആദ്യ ഭാര്യ റംലത്തുമായി പ്രഭുദേവയ്ക്ക് വിവാഹമോചനം ലഭിച്ചത്. കോടിക്കണക്കിന് രൂപയുടെ സ്വത്തുകളും മറ്റും നഷ്ടപരിഹാരമെന്ന നിലയില് നല്കിയതിനു ശേഷമാണ് റംലത്തിനെ പ്രഭുദേവ ഒഴിവാക്കിയത്. വില്ല് എന്ന ചിത്രത്തിന്റെ ചിത്രീകരണത്തിനിടെയാണ് പ്രഭുദേവയും നയന്താരയും പ്രണയത്തിലായത്. പിന്നീട് പൊതുവേദികളില് ഒരുമിച്ചു പ്രത്യക്ഷപ്പെട്ടതോടെ വാര്ത്തയ്ക്ക് സ്ഥിരീകരണമായിരുന്നു.
തൊട്ടുപിന്നാലെ പ്രഭുദേവ വിവാഹമോചന ഹര്ജി ഫയല് ചെയ്യുകയും ചെയ്തു. എന്നാല് ജീവന് പോയാലും വിവാഹമോചനത്തിന് വഴങ്ങില്ലെന്ന നിലപാടാണ് റംലത്ത് സ്വീകരിച്ചിരുന്നത്. ഒടുവില് ഇടനിലക്കാര് മുഖേന നടത്തിയ ചര്ച്ചയ്ക്കൊടുവില് അവര് വിവാഹമോചനത്തിന് വഴങ്ങുകയായിരുന്നു. രണ്ടു മക്കളാണ് പ്രഭുദേവയ്ക്കുള്ളത്. വിവാഹത്തോടെ നയന്താര സിനിമ അഭിനയത്തില്നിന്ന് വിടവാങ്ങുമെന്നാണ് സൂചന. തെലുങ്കില് സീതയുടെ വേഷമാണ് നയന്സ് അവസാനമായി ചെയ്തത്. ഷൂട്ടിങ് അവസാനിച്ച ദിവസം സംവിധാകന്റെയും നിര്മാതാവിന്റെയും കാല്തൊട്ട് വന്ദിച്ചാണ് നയന്സ് അഭിനയ ജീവിതത്തിന് തിരശീലയിട്ടത്.
മനോജ് ഗുരുവായൂര്
Posted by : ചിത്ര വിശേഷം on
|
ലേബലുകള്:
സിനിമ
|
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
New Update
പേജ്കാഴ്ചകള്
Hits ..... Jayachandran
Hot....
Muktha
Blogger templates
Followers
ചിത്ര വിശേഷം. Blogger പിന്തുണയോടെ.
NeoCounter
..
..
Featured Posts
ഞങ്ങള് ഇപ്പോള് സികളരിയിലും |
0 അഭിപ്രായ(ങ്ങള്):
ഒരു അഭിപ്രായം പോസ്റ്റ് ചെയ്യൂ